Held hätten S ' des kaam g ' hört . An de Aufschreibung glaab i net , Herr Bezirksamtmann . « » Wie können Sie das sagen ? « » Weil i an Herrn Held kennt hab ' . Ob de Aufschreibung wahr is , dös muaß i do wissen ! I muaß do wissen , ob i mein Vater mißhandelt hab ' oder net ! « » Allerdings . « » Ja , allerdings . Und weil i woaß , daß ' s net wahr is , kann i sag ' n , dös hat der Herr Held net g ' schrieb ' n. Der war koa Lump . « » Noch einmal , Vöst , führen Sie Ihre Sache mit Ruhe , oder ich breche diese Unterredung ab ! « » Ja so ! I bin scho wieder grob g ' wen . Vielleicht hat ' s der Zorn g ' macht , daß ma den Mann no als a Toter in de Sach ' da rei ' ziagt . « » Wer zieht ihn herein ? Es handelt sich um seine eigene Aufschreibung . « » Und i glaab ' s net . Na , wern S ' net ungeduldig , Herr Bezirksamtmann ! Sie hamm an Herrn Held vielleicht a paarmal g ' sehg ' n , vielleicht aa gar net . Mir hat er von kloan auf Religionsunterricht geb ' n , hat mi in der Christenlehr ' g ' habt . Er hat mi und mel Bäurin kopuliert , is auf meiner Hochzeit als ehrengeachteter Gast g ' wen , und hat meine Kinder aus da Tauf ' g ' hob ' n. Wo i mit eahm z ' samm ' troffen bin , is er freundli g ' wen zu mir , hat mi tröst , wenn i ' s braucht hab ' , und hat mir an Rat geb ' n. Er hat mi g ' lobt , alloa und vor Zeugen , weil er recht guat g ' wußt hat , daß i mi rechtschaffen hab ' plag ' n müassen . Und dös is allawei gleich g ' wen , es hat nia aufg ' hört ; no vierzehn Tag ' vor sein Tod is er bei mir g ' wen , in mein Haus . Und jetzt müaßt i glaab ' n der Mann hätt ' a Verleumdung über mi g ' schrieben . Was waar denn dös ? « » Darüber kann ich nicht urteilen ; ich weiß das alles nicht . « » Was ma net selber woaß , ko ma derfrag ' n. Da is der Weiß , der mir dös bestätig ' n muaß . « » Was soll er bestätigen ? « » Wia der Herr Held geg ' n mi g ' wen is . « » Das kommt jetzt nicht ... « Weiß unterbrach die von Gott gesetzte Obrigkeit mitten im Satze . Er hielt es für angezeigt , endlich ein richtiges Wort zu sagen . Nicht schnurgerade wie der Schuller , sondern so , wie es einem Manne ansteht , der das heimliche Getriebe durchschaut und sich gründliche Kenntnisse verschafft hat . Er stellte den rechten Fuß vor und blinzelte schlau . Seine Augen sagten dem Bezirksamtmann , daß sie zwei sich wohl verstünden , wenn sie auch nicht deutlich redeten . » Indem da Schuller behaupt ' , « sagte er , » daß i an Herrn Held g ' nau kennt hab ' , so is also dös durchaus richtig . Indem i zwanz ' g Jahr ' lang Kirchapfleger war und oft ei ' kehrt hab ' im Pfarrhof , und weil i überhaupts a so bin , daß i mir d ' Leut ' g ' nau o ' schaug . Also da muaß i meine Meinung dahin abgeb ' n , daß mir da Herr Held ganz wohl g ' fallen hat . Wenigstens nach dem , was er merken hat lassen . Natürli , die Geischtlichkeit und der Adel , dös woaß ma recht guat , hamm no a b ' sonderne Sach ' , de wo sie net aufweisen derfen . Da hat mi der Herr Held aa net einischaug ' n lassen . Es werd halt a Geheimnis sei , auf dös sie z ' samm ' g ' schworen san , und dös wo der Bauernmensch net wissen derf . Da Herr Bezirksamtmann versteht mi scho . « » Ich verstehe Sie gar nicht . « - » Net ? « Weiß lächelte , als wollte er sagen : » Tu nur so ! Du hast ganz recht , daß du nicht einem jeden deine Karten zeigst . « » Net ? No i hab ' bloß g ' moant . Es gibt so Büacher , in dena dös alles offenbarig g ' macht is , und hie und da derwischt unser oana so a Büachl . Aber was dös betrifft , von Herrn Held , so muaß i sag ' n , sinscht hat er mir net übel g ' fallen . « Der Schuller drehte sich nach ihm um . » Du sollst sag ' n , ob des mögli is , daß er so was geg ' n meiner g ' schrieb ' n hat . « » Bal ma ' s a so betracht , ko ma ' s net glaab ' n , indem da Herr Held allawei guat vo dir g ' redt hat und indem er zu mir g ' sagt hat , da liabste Kirchapfleger waarst eahm du , bal i amal z ' alt wurd . So mögst it moan , daß er über di was g ' schrieben hätt ' ; es müaßt g ' rad sei , daß eahm dös befohlen g ' wesen war . Von ob ' n , verstehst . « » Hören Sie doch einmal auf mit solchem Zeug ! Wer soll denn so etwas befehlen ?