vom Stubenmädchen empfangen . Dasselbe führte sie in eine Stube und öffnete sie mit den Worten : » Geht nur hinein , es sind schon zwei drinnen , « und drinnen empfing sie der Ruf : » Das geht gut , da kömmt noch eins « - Hochzeit nämlich ! Die Base lachte , daß es sie über und über schüttelte , und sagte : » Du siehst , es muß sein . Du magst dich wehren , wie du willst , es gilt dich doch . « Dahinein bringe es niemand , sagte das zornig gewordene Vreneli , und wenn es den ganzen Tag so gehen solle , so laufe es zu Fuß heim . » Und von dir , Uli , ist es auch nicht bravs , daß du nicht witziger bist als so , du tätest sonst deinen Meien ab dem Hut . Ich habe dir aber nichts darauf , weißt du es nur . « Da sagte Uli : Bös wolle er es nicht machen , er hätte es für einen Spaß angesehen . Wenn es es aber so nehme , so wolle er ihm gerne seinen Meien geben und , wenn es wolle , heimgehen ; sie könnten mit dem Kohli wohl fahren , er sei sicher . Vreneli nahm den Meien und sagte : » Dankeigist ! « Aber die Base sagte : » Ich hätte ihm ihn nicht gegeben , ihr habt euch einander nicht zu verschämen . « » Und kurz und gut , Base , sei das , wie es wolle , so will ich nichts davon , und zu den Hochzeitleuten will ich nicht , und wenn Ihr nicht mit mir in die Gaststube kommen wollt , so laufe ich heim auf der Stelle « , begehrte Vreneli auf . » Das ist mir doch afe es Meitli , das , « sagte die Base . » Uli , wenn ih dih wär , su nähmt ih das uf e Gunte . « » Mira , nehm ers , wenr will ; aber ih hätt bald gseit , Ueli syg witziger as anger Lüt und heyg o selber nit Freud a öppis Dumms eso . « » Wart ume , Vreneli , « sagte die Base , » es wird dir o scho angers cho , zell druf . E Hochzytere z ' si ist doch de am Eng e schöni Sach . « » Was , e schöni Sach ! E arme Tüfel isch e Hochzytere , « sagte Vreneli . » Hochzyt ha isch no viel ärger as Sterbe . Bim Sterbe weiß me doch no öppe , ob me selig wird oder ob eim dr Tüfel nimmt , bim Hochzytha cha me gar nüt wüsse . We me meint , dr Himmel syg voll Gyge , su sys zletzt luter Donnerwetter . U we me meint , mi heyg dr Freinst , su isch es de zletzt , we me recht luegt , dr wüestisch Hung . « » O Meitschi , « sagte die Base , » du heschs o so wie äy Bettlere , wo gseit het , sie möcht kei Büri sy , vo wege sie mög dKüechleni nit erlyde , das syg ere doch es Dolders Fresse , u wo me du grad druf im ene Cheller erwütscht het , wo sie e ganzi Bygete het welle stehle . Gang mr doch mit sellige Rede , mi vrsüngt sih drmit gar gern . U we me scho e wenig kybig isch , sym Mul soll me doch geng e Rechnig mache . Mi weiß nie , was es eim gä cha , u we me de drin isch , su chunts eim wieder zSinn , was me gredt het , u selligi Wort chönne eym mengisch Tag und Nacht vrfolge , ärger as e Truppele wildi Tier , daß me kei Rue meh het . U menge het ne nit angers wüsse z ' ertrünne as dür e Tod . « » Base , « sagte Vreneli , » ih han Ech nit welle höhn mache u dih o nit , Ueli , aber löyt mih rüeyig ! Ih bi nüt as es arms Meitschi , u drum mueß ih mih wehre , we mih öpper no zu öppis Mingerem mache will . « » Bhüetis , « sagte die Base , » das chunt niemerem zSinn , u es wär mängi rychi Tochter froh , si wär , was du . Ja ih wett o gern öppis minger ha u no fry ordelig minger , we ds Elisi wär , was du . Du machst en iedere Ma glücklich , er ma rych oder arm sy . Mi cha dih histelle an esn ieders Ort , wo me will , u ds Elisi isch , helf mr Gott , nüt . Ih weiß o nit , wie das cho isch , u ha doch Beidi erzoge . Aber es isch o nit Eim gä wie am Angere . Du masch arüere , wasd witt , su steyts dr wohl a , u wenn ih e junge Bursch wär , su seyt ih : Die u ke Angeri ! U was ds Elisi macht , isch uwatlig ; da wirds no Vrdruß gä , dä mih i ds Grab bringt . « Der guten Mutter schossen die Tränen in die Augen , und ds Vreneli , das bei sich selbst gedacht hatte , es könnten Zwei an einem Orte und von der gleichen Person erzogen werden und doch ungleich , sagte dieses nicht , sondern tröstete : Es werde wohl nicht so bös gehen , sondern besser kommen , als man denke . Aber die Base schüttelte den Kopf und klagte fort , wie sie gedacht hätte , wenn es einmal geheiratet sei , so werde es auch etwas angreifen , es werde ihm schon noch anders kommen ; aber es komme ihm nicht . Den ganzen Tag habe es die Hände über