from Du Bellay’s Songe

8 Je vis un fier Torrent, dont les flots escumeux Rongeoient les fondemens d’une vielle ruine: Je le vy tout couvert d’une obscure bruine, Qui s’eslevoit par l’air en tourbillons fumeux: Dont se formoit un corps à sept chefz merveilleux,5 Qui villes & chasteaux couvoit sous sa poittrine, Et sembloit devorer d’une egale rapine Les plus doulx animaux, & les plus orgueilleux. J’estois esmerveillé de voir ce monstre enorme Changer en cent façons son effroyable forme,10 Lors que je vy sortir d’un antre Scythien Ce vent impetueux, qui soufle la froidure, Dissiper ces nuaux, & en si peu que rien S’esvanouïr par l’air ceste horrible figure.