 my kinsman.—I presume, Robin, there's naebody here will carry aught o' what I am gaun to say, to the town-council or elsewhere, to my prejudice or to yours?"
"Make yourself easy on that head, cousin Nicol," answered MacGregor; "the tae half o' the gillies winna ken what ye say, and the tother winna care—besides that, I wad stow the tongue out o' the head o' any o' them that suld presume to say ower again ony speech held wi' me in their presence."
"Aweel, cousin, sic being the case, and Mr. Osbaldistone here being a prudent youth, and a safe friend—I'se plainly tell ye, ye are breeding up your family to gang an ill gate." Then, clearing his voice with a preliminary hem, he addressed his kinsman, checking, as Malvolio proposed to do when seated in his state, his familiar smile with an austere regard of control.—"Ye ken yourself ye haud light by the law—and for my cousin Helen, forbye that her reception o' me this blessed day—whilk I excuse on account of perturbation of mind, was muckle on the north side o' friendly, I say (outputting this personal reason of complaint) I hae that to say o' your wife"—
"Say nothing of her, kinsman," said Rob, in a grave and stern tone, "but what is befitting a friend to say, and her husband to hear. Of me you are welcome to say your full pleasure."
"Aweel, aweel," said the Bailie, somewhat disconcerted, "we'se let that be a pass-over—I dinna approve of making mischief in families. But here are your twa sons, Hamish and Robin, whilk signifies, as I'm gien to understand, James and Robert—I trust ye will call them sae in future—there comes nae gude o' Hamishes, and Eachines, and Angusses, except that they're the names ane aye chances to see in the indictments at the Western Circuits for cow-lifting, at the instance of his majesty's advocate for his majesty's interest. Aweel, but the twa lads, as I was saying, they haena sae muckle as the ordinar grunds, man, of liberal education—they dinna ken the very multiplication table itself, whilk is the root of a' usefu' knowledge, and they did naething but laugh and fleer at me when I tauld them my mind on their ignorance—It's my belief they can neither read, write, nor cipher
