 Meinetwegen hätte ich nichts darwider, aber bigryfst, ehe ich
etwas sagen kann, muss ich doch mit meinen Leuten reden, und was ds Meitschi
seit, weiß ich nicht.« »Was selb ist«, sagte Hans Uli, »wir wären neue richtig.«
»Das wär arig«, sagte Christen, »es wird öppe nit sy.« »Wohl wäger ists«, sagte
Hans Uli, »es het mrs emel verheisse, u sövli e Schalk wirds öppe nit sy.« »Öppe
selb nit«, sagte Christen, »mit sellige Dinge ist nit z'gspasse. Aber wunder
nimmts mich doch, dass es so ist, und wenn du es nicht selbst sagtest, so glaubte
ich es nicht.« »He«, sagte Hans Uli, »es ginge mir selbst so, wenn es mir jemand
anders sagte. Nit, gfalle hets mr geng u wär mr lieb gsi. Aber es het immer nur
ds Gspött mit mir triebe un z'zanke gha, nüt hätt ih dra dörfe sinne, ds
Gunträri, ih ha mängist denkt, wenn das einist heirate, so müsse dem ghornet,
gklepft, ta sy, dass es e grüsligi Sach syg. Da bin ich letzthin im Neuenbad
zHerrlige und stande e so u luege u ha nit gwüsst, will ih oder will ih nit oder
wos mr fehlt, da klopft mr neuer uf dAchsle u seit: Hest aber ds Öl vrschüttet,
du arms Tröpfli? Aber weißt ih wüsst dr öppis. Wennd drei mit mr hest und de e
Plätz wyt mit mr heichunst, so zahl ich dir e Halbi, u wes sy muess, no für e
Krüzer Käs u für e halbe Brot, aber meh nit. Und ih ha ds Mul längs Stück off
vrgesse u nit gwüsst, was das bidüte söll, vo wege, es ist Eues Annelisi gsi, wo
mih süst ume usglachet ha un ds Gspött mit mr triebe, u ha gmeint, es well jetzt
o. U won ih nüt säge, seit es du: Los Hans Uli, kannst mir es Gfalle tue, es sy
da zweu Raubtier hinger mr, grüslig Burste, ih weiß nit, sys Ratsherresühn oder
sust Unghür, eis git sih für e Dokter us u ds angere für e Mediziner; weiß nit,
was das ist, aber eine ist zottleter as dr Anger, u wüester u uflätiger tuet üse
Melcher nit un ist doch e Länder. Vor dene förchte ih mih, und ih bigehre
dSchang nit, dass mih dLüt by ne bim Wy gseh oder mit ne tanze. Ih ha ds Zuetraue
zu dr, du layist mich öppe nit im Stich. Ih ha nit gwüsst
