 Oberkörper wie einen Pendel bewegte, schrie er gleichmütig
fort: »Raus, Metz!«
    Alle lachten, und der Menhofer von Aufhausen nahm seinen Nachbarn am Arme
und zog ihn auf seinen Platz nieder.
    »Landsleut',« sagte der Vachenauer, »ös derft's de Versammlung net stören.
Da Herr Assessor hat mir g'sagt, wenn no mal a solchener Aufstand is, schliasst
er d' Versammlung. Und da hätten do bloß unsere Gegner a Freud'. Ös müasst's enk
net so ärgern, bal oana 'neischreit; dös bin i scho g'wohnt; dös machen s'
überall so, weil s' d' Wahrheit net vertrag'n könna.«
    »Beschimpfen Sie den Priesterstand nicht, dann kümmert sich niemand um Sie!«
rief Kroiss.
    »I hab' net g'schimpft auf'n Priestastand. Des sell is net wahr. I hab'
g'sagt, seit unsere Geischtlichen si bloß mehr um d' Politik kümmern, is überall
an Unfrieden. Und außerdem sag' i, de Politik hat mit da Religion nix z'toa.
    Mir Bauern wollen nix Unrecht's, mir wollen dös nämliche wie de andern
Leut'. Dass ma koane G'setz' macht, de wo uns ruinieren; und weil mir den Beweis
hamm, dass mir uns aufs Zentrum net verlassen könna, wollen mir's amal selber
probieren.
    Dös Recht hamm mir, wia'r anderne Staatsbürger, dass mir nach'n G'setz de
Leut' wählen, auf de mir 's Vertrauen hamm. Desweg'n leben mir wia z'erscht,
gengan in d' Kircha wia z'erscht, und san Christen wia z'erscht.
    Is dös a Grund, dass ma'r uns schimpft? Derf si a Geischtlicher über dös
aufhalten, dass mir unser weltliche Sach' selber in d' Ordnung bringa?
    Jetzt drah'n de Herrn an Stiel um, und jammern recht wehleidig, dass mir de
Angreifer san.
    Fallt uns ja gar net ei. Mir wollen nix Schlecht's für unserne Pfarrer; mir
wollen eahna bloß d' Arbat abnehma. Sie brauchen nimma auf München fahr'n oder
auf Berlin reisen; sie können schö dahoambleib'n, und das Wort Gottes
verkündigen.« (Bravo!)
    »Mit Ihrer Erlaubnis,« rief Metz.
    »Ja, Hochwürden. Dös erlaub'n mir Eahna recht gern, und mir hamm no dazua an
großen Respekt, wann Sie's tean. Sie erlaub'n uns aa, dass mir an Acker bau'n und
's Brot herbringa und d' Steuern und
